Hangandi rúm eru vinsæl ef marka má hönnunarblöð um þessar mundir. Margir af þeim sem vanir eru hengirúmum segja að fátt jafnist á við að sofa þannig. En hvernig ætli hangandi rúm virki?
Þeir sem þekkja til segja að í hangandi rúmi sé hægt að vagga sér í svefn. Hengirúm eru góð fyrir stuttan svefn en hangandi rúm eru fyrir langar nætur.
Fyrir þá sem eiga erfitt með að sofna er komin ný náttúruleg leið að friðsælli nóttu.