Höskuldur H. Ólafsson bankastjóri Arion banka býr við Skildinganes í Reykjavík. Fasteignamat hússins er 105.650.000 kr. Bankastjórinn festi kaup á húsinu 1999 ásamt eiginkonu sinni Sigríði Ólafsdóttur.
Húsið er á tveimur hæðum og afar glæsilegt. Við húsið er gróinn garður með flaggstöng og öllu tilheyrandi. Ofan á bílskúrnum er garðskáli þar sem gott er að njóta útsýnis út á sjó.
Höskuldur er ekki eini bankastjóri landsins sem býr vel því Lilja Björk Einarsdóttir bankastjóri Landsbankans á afar fallegt einbýlishús í 108 eins og Smartland greindi frá á dögunum.