Við Hafraþing í Kópavogi hefur fjölskylda hreiðrað um sig í 181 fm raðhúsi. Arkitektinn Björgvin Snæbjörnsson teiknaði húsið en allar innréttingar eru teiknaðar af Thelmu Guðmundsdóttur innanhússarkitekt.
Húsið var byggt 2015 og setja innréttingarnar svip sinn á húsið en þær eru sérsmíðaðar hjá Smíðaþjónustunni. Eldhúsið er með miklu skápaplássi og tanga sem hægt er að sitja við. Ljós kvarts-steinn er á borðplötunum og fallegur háfur.
Baðherbergin tvö eru vel skipulögð með miklu skápaplássi og góðum speglum.