Hefur flutt 10 sinnum á 12 árum

Kristborg Bóel Steindórsdóttir hefur flutt 10 sinnum á 12 árum.
Kristborg Bóel Steindórsdóttir hefur flutt 10 sinnum á 12 árum.

Kristborg Bóel Steindórsdóttir fjölmiðlakona hefur flutt 10 sinnum á 12 árum og finnst það skemmtilegt. Hún leggur mikið upp úr því að hafa fallegt í kringum sig en hefur sjaldan átt aukapeninga til að kaupa dýr húsgögn. Með hagsýni og skapandi hugsun nær hún alltaf að búa sér til fallegt umhverfi. 

Fyrir tólf árum flutti ég frá Reykjavík, aftur á æskuslóðir austur á land. Á þessum árum hef ég afrekað það að skilja tvisvar sinnum og er það vissulega ástæða tveggja þessara öru húsnæðisskipta, svona í bland við það að vera á leigumarkaði sem er aldrei sérlega tryggt ástand,“ segir Kristborg Bóel aðspurð hvers vegna hún hafi flutt svona oft.

Kristborg Bóel segist hafa gaman af því að flytja en frá því hún var stelpa hefur henni alltaf þótt gaman að breyta og bæta.

„Í raun þykir mér það virkilega skemmtilegt, þó svo sumar aðstæður séu vissulega meira upplífgandi en aðrar. Ég hef mikinn áhuga og ánægju af öllu innanhússbrasi og einnig þeirri hreiðurgerð sem flutningum fylgir. Þegar ég var lítil sneri ég reglulega öllu á hvolf í herberginu mínu, ég veit ekki hvað rúmið og rörahillurnar voru búnar að fara marga hringi milli veggja í það heila,“ segir hún.

Það eru til fjölmörg trix sem auðvelda flutninga og lumar Kristborg Bóel á einu slíku.

„Merkja kassa vel! Annars finnst mér langbest ef ég hef haft færi á því að flytja á þann hátt að ég hendi kössum markvisst inn í það herbergi sem þeir eiga heima í stað þess að stafla öllu inn í alrýmið. Ég veit fátt meira yfirþyrmandi en kassafjall á stærð við áramótabrennu og hafa ekki hugmynd um hvað kemur upp úr hvaða kassa.“

Það að flytja kallar á verksvit og handlagni. Það þarf að taka niður hillur og ljós og fleira í þeim dúr. Þegar Kristborg Bóel er spurð út í þessi atriði segist hún reyna að bjarga sér sjálf.

„Sko. Ég bý ein og bara reyni eftir fremsta megni að redda mér sjálf. Eða nei, auðvitað bý ég ekki ein, heldur er ég eini fullorðni einstaklingurinn á svæðinu. Mér finnst minna mál að taka niður dót en setja upp, þá stundum hringi ég í vin. Ég dreg mörkin svo við allt það sem rafmagni viðkemur, ég er skíthrædd við það.“

Óþarfa dót fékk að víkja í desember þegar Kristborg Bóel fór í mikið átak í að losa sig við óþarfa sem hafði safnast upp á heimilinu.

„Síðustu ár hef ég alltaf verið að hallast meira að einfaldleikanum. Ég hef síðustu mánuði meðvitað reynt að einfalda líf mitt og draga úr streitu. Í því tilliti hefur mér þótt gott að einfalda mitt nánasta umhverfi sem er heimilið mitt. Ég fann fyrst almennilega fyrir þeirri þörf eftir að ég skildi haustið 2015, að ég vildi bara halda eftir hlutum og dóti sem ég væri að nota, mér þættu fallegir og skiptu mig máli. Þá fór ég markvisst í gegnum mestallt dótið mitt, auk þess sem ég hef aldrei náð að sanka að mér miklu umframdóti á þessum eilífu flutningum.

Í desember losaði ég mig svo við 300 hluti af heimilinu, hluti, föt eða annað sem ekki hefur lengur hlutverk hjá okkur og eiga skilið að eignast innihaldsríkara framhaldslíf annars staðar. Vel þekkt er hjá þeim sem aðhyllast svokallaðan mínímalískan lífsstíl að fara reglulega í gegnum eigur sínar og grynnka á þeim með markvissum hætti. Þá er algengt að fólk velji ákveðinn mánuð og losi sig við einn hlut fyrsta dag hans, tvo hluti annan daginn og svo framvegis þangað til mánuðurinn er liðinn.

Svo er ég ekta steingeit, enda fædd 2. janúar, á sjálfan vörutalningardaginn. Það stjörnumerki hefur verið kennt við mikið skipulag og ég tengi vel við það, mér líður best ef ég hef yfirsýn yfir heimilið mitt, veit hvað ég á og hvar hlutirnir eru,“ segir hún.

Hvað drífur þig áfram þegar kemur að flutningum?

„Mér þykja flutningar vandræðalega spennandi og skemmtilegir og þykir í raun ekkert súrt við þá nema að þrífa mig út, það er líka virkilega leiðinlegt. Flutningar eru líka ákveðið upphaf og ég er orðin alger meistari í að koma mér vel fyrir og gera umhverfið að mínu á skömmum tíma.“

Nú ertu búin að einfalda lífið mikið, yrðir þú ekki mjög fljót að flytja næst?

„Í raun hef ég síðastliðin tólf ár ekki safnað miklu umframdóti og því varð engin stórfengleg breyting við desembergjörninginn, en dót virðist fjölga sér á ævintýralegan hátt í kringum mann. Ég hef búið á sama stað núna í tvö og hálft ár og sigli fljótlega inn í enn eitt flutningstímabilið. Ég er farin að huga að því og þar sem ég náði bara rétt að byrja á geymslunni í desember er hún á dagskrá í næsta barnlausa tímabili, en ég ætla að haga þeirri yfirferð þannig að ég taki ekki einn einasta hlut með mér á nýjan stað nema hann þjóni tilgangi eða bindist mér tilfinningaböndum, en þá á ég til dæmis við jólaskraut eða listaverk eftir börnin mín.“

Börnin hennar fjögur á góðri stund í borðstofunni.
Börnin hennar fjögur á góðri stund í borðstofunni.

Hvernig finnst þér best að hafa umhverfi þitt?

„Sko. Það er eitthvað stórmerkilegt og ferlega skemmtilegt að gerast innra með mér. Mig langar að gera breytingar á heimili mínu, byggja við það sem fyrir er. Ég veit ekki hvort heimilisstíllinn minn í dag flokkast undir naumhyggju. Nei, ég held ekki, frekar mætti kalla hann einfaldan, eða látlausan. Ég hef rekið heimili í rúm tuttugu ár. Á þeim tíma hefur aldrei verið til neinn extra peningur á heimilinu, hvort sem ég hef verið í sambúð eða búið ein, til þess að hægt sé að kaupa dýr húsgögn eða hluti, hvað þá skipta öllu út eins og margir gerðu í góðærinu. Í dag finnst mér það afar jákvætt, þó svo að á sínum tíma hefði ég verið til í að taka þátt í flippinu.

Búslóðin mín hefur því safnast að mér hægt og rólega, ég hef tekið hluti inn og hent öðrum út. Fátt í henni er mér það kært að ég ætti erfitt við að losa mig við það. Jú, ég hef reyndar sagt að fyrr myndi ég ganga um í sömu fötunum í fimm ár heldur en að losa mig við hvítu Sjöurnar mínar fjórar, eldhússtólana mína hannaða af Arne Jacobsen, en þá keypti ég mér fyrir peningana sem ég fékk í þrítugsafmælisgjöf. Ekki heldur myndi ég nokkurn tímann losa mig við gömlu kommóðuna sem pabbi gerði upp handa mér; líklega 100 ára gömul kommóða úr gegnheilum viði. Annað, já alveg eins.

Ég hef sem sagt staðið mig að því að hanga á Pinterest síðustu vikur og skoða Bohemian-innréttuð heimili. Ó, hvað mér finnst þau falleg. Allt þetta flauel, blóm, litir, mynstur og bast – já bara þessi sjúklega miklu þægilegheit. Ég er reyndar líklega „Bohemian light“ – myndi vilja blanda þessu við minn stíl.

Nú setja líklega nokkrir spurningarmerki við það sem ég er að segja svona í ljósi þess að ég hef að undanförnu talað fyrir því að vera með lítið í kringum mig og losa mig við óþarfa. Mér finnst þetta algerlega geta farið saman, enda hef ég alltaf sagt að ég sé ekki að losa mig við dót til þess eins að losa mig við það, heldur vel ég að láta það frá mér sem vekur ekki hjá mér gleði eða rímar við minn smekk.

Næst þegar ég flyt og þá sérstaklega þegar ég kemst í mitt eigið húsnæði ætla ég að færa mig nær þessu. Heimili fyrir mér er griðastaður þar sem öllum á að líða vel, svona eins og fuglum í hreiðri. Mér finnst þessi stíll samnefnari fyrir það, afslappaður og kósí.“

Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Fékk bólur þegar hún hætti á getnaðarvörn

18:00 Eiginkona Hafþórs Júlíusar, Kelsey Henson, varð óvenju slæm í húðinni þegar hún flutti til Íslands. Hún reyndi að fela bólurnar með farða sem gerði illt verra. Meira »

Pakkar niður og samgleðst Aroni Einari

14:00 Kristbjörg er að taka til og sortera en fjölskyldan flytur til Katar í sumar. Þau eru á fullu að leita að húsnæði en draumahúsið er ekki fundið. Meira »

Bergþór Pálsson „féll“ í gær

11:00 Bergþór Pálsson hefur í heilt ár hugsað mjög vel um heilsuna og gætt þess vel að vera nánast sykurlaus. Í gær féll hann.   Meira »

Íbúðir sem voru þyngri í sölu seljast betur

09:01 Aron Freyr Eiríksson, fasteignasali hjá Ási fasteignasölu, segir að fólk sækist mikið í sérbýli með aukaíbúð þessi misserin.  Meira »

Ertu að spreyja ilmvatninu rétt?

Í gær, 23:30 Nuddar þú saman úlnliðum eftir að hafa spreyjað ilmvatni á þig? Eða reynir þú að spreyja mjög miklu á einn stað til þess að láta ilminn endast á líkama þínum? Meira »

Er hægt að laga æðaslit?

í gær Ég er með æðaslit á fótleggjunum og það er mjög áberandi. Er að fara til sólarlanda í sumar og langar að láta laga þetta. Er það hægt? Meira »

Geta fundið bestu kjörin í hvelli

í gær Verðsamanburður hjá Aurbjörgu getur hjálpað notendum að spara háar fjárhæðir við sölu á fasteign og margar milljónir í afborgunum af lánum. Meira »

„Ég er ungfrú Ísland þú átt ekki séns“

í gær Alexandra Helga Ívarsdóttir unnusta Gylfa Þórs Sigurðssonar var gæsuð af fullum krafti í gær. Parið ætlar að ganga í heilagt hjónaband á Ítalíu í sumar. Meira »

Fimm hönnunarmistök í litlum íbúðum

í gær Það er enn meiri ástæða til að huga að innanhúshönnun þegar íbúðirnar eru litlar. Ekki fer alltaf saman að kaupa litla hluti í litlar íbúðir. Meira »

Er nóg að nota farða sem sólarvörn?

í gær „Ég er að reyna að passa húðina og gæta þess að fá ekki óþarfa hrukkur. Nú eru margir farðar með innbyggðu SPF 15. Er nóg að nota bara farða sem sólarvörn eða þarf ég líka að bera á mig vörn?“ Meira »

Karlmenn vilja helst kynlíf á morgnana

23.3. Klukkan sex mínútur í átta vilja karlmenn helst stunda kynlíf en ekki er hægt að segja það sama um konur.   Meira »

Eignir sem líta vel út seljast betur

23.3. Við val á fasteign er gott að skoða hversu auðvelt er að komast til og frá vinnu. Bílskúr eða kjallaraherbergi sem nýta má sem íbúðareiningu og leigja út getur létt greiðslubyrðina. Meira »

Langar að fela síma kórsystra sinna

23.3. „Ég hef sungið í kirkjukór síðan ég fór að hafa tíma til þess frá börnunum og það gefur mér mjög mikið. En mér finnst mjög óviðeigandi að sjá ungu konurnar í kórnum vera á Facebook í símunum sínum þegar presturinn er að prédika.“ Meira »

Tíu hjónabandsráð Joan Collins

23.3. Hin 85 ára gamla Joan Collins hefur verið gift fimm sinnum yfir ævina. Hún segir að eitt af lykilatriðunum þegar kemur að hamingjusömu hjónabandi sé að standa alltaf við bakið á maka sínum. Meira »

Hræðileg kynlífsreynsla karla

23.3. Kynlíf gengur ekki alltaf jafn vel fyrir sig og þaulæfð atriði á sjónvarpsskjánum. Menn hafa verið bitnir, klóraðir til blóðs og jafnvel endað uppi á spítala. Meira »

500 manna djamm – allt á útopnu

22.3. Mikil gleði og hamingja var áberandi á árshátíð Origo á dögunum. Árshátíðin fór að sjálfsögðu fram í Origo-höllinni. Um 500 manns skemmtu sér konunglega á hátíðinni sem bauð upp á mikla litadýrð enda var latín carnival þema í gangi. Meira »

Hver eru hagstæðustu húsnæðislánin?

22.3. Á að velja óverðtryggt eða verðtryggt? Er lægra veðhlutfall að skila sér í hagstæðari kjörum? Íbúðalánasjóður mun halda fræðslufundi um flókinn heim fasteignalána. Meira »

Rut hannaði í fantaflott hús á Smáraflöt

22.3. Einn eftirsóttasti innanhússarkitekt landins, Rut Káradóttir, hannaði innréttingar í glæsihús við Smáraflöt í Garðabæ.   Meira »

Sonurinn búinn að steypa sér í skuldir

22.3. Drengurinn minn var alltaf glaður, félagslegur og tók virkan þátt í daglegu líf. Svo um 17-18 ára aldur fórum við að taka eftir breytingum á honum. Um þetta sama leyti byrjar hann að spila póker á netinu og fyrst til að byrja með sagði hann okkur frá þessu. Meira »

Svona forðastu stress og áhyggjur

22.3. Karitas Sveinsdóttir, innanhússhönnuður og eigandi HAF STORE og HAF STUDIO, segir bjarta liti vinsæla um þessar mundir. Hún segir alltaf í tísku að þiggja aðstoð fyrir fermingar og fólk ætti að sama skapi að forðast stress. Meira »

Náttúrulegar töfraolíur sem umbylta

21.3. Margar af þekktustu fyrirsætum heims nota RAAW by Trice-vörurnar. Flestir mæla með Bláu töfradropunum sem virka einstaklega vel á ójafna húð og bólur. Þeir sem eru gjarnir á að fá bólur sem og þeir sem eru með feita húð mæla sérstaklega vel með dropunum. Meira »