Leikkonan Selma Blair hefur haft í mörgu að snúast að undanförnu enda greindist hún með MS-sjúkdóminn í ágúst. Það hindraði hana þó ekki í að veita innlit í Architectural Digest eins og hún greinir sjálf frá á Instagram og birti myndir með.
Blair keypti umrætt hús fyrir fimm árum og vildi hún hressa aðeins upp á það. Innanhúshönnuðurinn ákvað að gera húsið litríkt og sótti innblástur í gamlan heimavistarskóla sem Blair sótti þegar hún var yngri. Borðstofan líkist einna helst kaffiteríu og setja bæði málning og húsgögn í áberandi litum sterkan svip á heimili leikkonunnar.