Glæsileg 152,2 fermetra stór þakíbúð í Sjálandinu í Garðabæ er komin á sölu. Þakíbúðir eru ekki algengar á Íslandi en þessi hefur allt það sem góð þakíbúð þarf að bera, góða lofthæð, stóra partýstofu og þaksvalir með heitum potti.
Innanhúsarkitektinn Rut Káradóttir hannaði innréttingarnar í íbúðina. Eldhús, borðstofa og stofa eru í sama rými og er falleg eyja hjarta heimilisins. Hjónaherbergið er með fataherbergi og innangengt er úr herberginu inn á aðalbaðherbergið.
Núverandi íbúar hafa skreytt stofuna með fallegum og stórum listaverkum og hönnunarvörum á borð við fræga hægindastólinn eftir Charles og Ray Eames.