Brúðkaupsmyndir úr brúðkaupi Alexöndru Helgu Ívarsdóttur og Gylfa Þórs Sigurðssonar eru komnar upp á vegg á heimili þeirra.
Hjónin gengu í það heilaga við Como-vatn á Ítalíu í júní að viðstöddu fjölmenni eins og mbl.is greindi frá.
Nú lifa minningarnar á heilum vegg í stofunni þar sem búið er að stækka upp og ramma inn 19 myndir úr brúðkaupinu. Allar myndirnar eru svarthvítar og eru rammaðar inn í svarta ramma með kartoni. Veggurinn á bak við myndirnar er málaður svartur þannig að í heild sinni er veggurinn eins og eitt stórt listaverk.
Þessi uppröðun á myndum kemur vel út og passar einstaklega vel við Eggið hans Arne Jacobsen sem er löngu orðið klassískt húsgagn.