Við Vallargerði í Kópavogi stendur mjög heillandi einbýli sem er heill heimur út af fyrir sig. Húsið sjálft 189,7 fm að stærð og var byggt 1960. Búið er að endurnýja húsið mikið á lifandi og skapandi hátt.
Í eldhúsinu er grá sprautulökkuð innrétting með steinplötu. Veggir eru flísalagðir og er eldhúshlutum vel komið fyrir á heillandi hátt. Eldhúsið er svolítið iðnaðarlegt með hangandi pönnum og pottum, gaseldavél og svo setja opnar hillur svip á það. Eldhúsið tengist borðstofu en þar er að finna stórt viðarborð með fallegum stólum.
Stofan er sérlega notaleg en þar er túrkislituð flauelspulla á besta stað undir glugga, mikið af plöntum og listaverk á veggjum. Stofuborðið er flísalagt með mósaíkflísum. Þar eru líka baststóll og Panthella-lampi sem gefur rýminu hlýja lýsingu.