Við Rauðalæk í Reykjavík stendur fjölskylduvæn og hugguleg 117 fm íbúð. Húsið sjálft var byggt 1958. Íbúðin hefur verið endurnýjuð mikið á síðustu árum og björt og falleg.
Opið er á milli stofu og eldhúss en í síðarnefnda rýminu er vel skipulögð og góð innrétting með eyju og stórum bekk. Bekkurinn gerir það að verkum að plássið í eldhúsinu nýtist mjög vel. Eldhúsið er með hvítri sprautulakkaðri innréttingu og viðarborðplötum.
Í íbúðinni er bæði sjónvarpsherbergi og stofa en auðveldlega er hægt að útbúa aukaherbergi þar sem sjónvarpið er.
Eins og sést á myndunum er íbúðin fjölskylduvæn, vel skipulögð og falleg.