Kanadíski tónlistarmaðurinn Justin Bieber er ekki vanur að fara troðnar slóðir og til dæmis selja húsið sitt í gegnum fasteignasölu. Bieber virðist ekki nenna að notast við hefðbundnar aðferðir og ákvað því að prófa að auglýsa hús til sölu á Instagram.
Bieber setti inn mynd á Instagramið sitt í síðustu viku þar sem hann óskaði eftir tilboðum í hús sitt í Los Angeles. Hann bauð einnig húsgögnin með. Tilboðum hefur rignt inn síðan þá og meðal annars frá milljónamæringi úr frægri fjölskyldu.
Samkvæmt heimildum TMZ hefur Bieber fengið fimm raunhæf tilboð, annað hvort frá einstaklingunum sjálfum eða í gegnum fasteignasala þeirra. Húsið stendur í Beverly Hills og keypi Bieber það ásamt eiginkonu sinni Hailey Bieber í fyrra á 8,5 milljónir bandaríkjadala.
Virtur fasteignasali í Los Angeles segir að húsið sé ekki meira virði en 8,5 milljónir en það séu hinsvegar aðilar sem myndu borga hærri upphæð en það, einungis vegna þess að húsið er í eigu tónlistarmannsins.
Húsið er tæpir 570 fermetrar og í því eru 5 svefnherbergi og 7 baðherbergi. Þar er einnig vínkjallari, heimabíósalur og risastórt eldhús. Bieber-hjónin eru sögð vera leita sér að nýju húsi í Los Angeles þar sem þau ætla að festa rætur.