Orri Páll Dýrason, fyrrverandi meðlimur Sigurrósar, hefur sett fasteign sína á sölu. Um er að ræða 270 fm einbýli í Skerjafirði. Húsið er skráð á Orra Pál og fyrrverandi eiginkonu hans, Steinunni Lukku Sigurðardóttur. Þau festu kaup á húsinu 6. maí 2013 og er hún með lögheimili við Reykjavíkurveg ásamt börnum þeirra Orra Páls.
Núverandi sambýliskona Orra Páls er María Lilja Þrastardóttir en þau eru ógift samkvæmt Þjóðskrá Íslands.
Fasteignin við Reykjavíkurveg 27 er í raun tvær íbúðir en húsið sjálft var byggt 1928. Húsið stendur á 900 fm eignarlóð. Húsið er á fjórum hæðum með steyptum kjallara og þremur hæðum úr timbri.
Eins og sést á myndunum er það huggulegt að innan.