Jessicu Rose fannst gráa eldhúsið sitt ekki fallegt og fannst það helst minna sig á fangelsi. Rose er útsjónarsöm og handlagin og ákvað því að nota vínilfilmur til að gefa því lit.
Hún er á leigumarkaði og gat því ekki rifið út eldhúsið og keypt nýtt. Þá þótti henni of kostnaðarsamt að mála eða lakka allt eldhúsið. Í stað þess ákvað hún að nota vínilfilmu.
Hún notaði sex metra af djúpgrænni filmu á hurðirnar á innréttingunni. Hún notaði svo fjóra metra af dalmatíumynstraðri filmu á milli innréttingarinnar og bekkplötunnar. Hún notaði líka dalmatíumynstrið á ísskápinn. Útkoman er hreint út sagt stórkostleg og gefur eldhúsinu mikið líf.