Við Bjarkadal í Reykjanesbæ er búið að byggja nýjar íbúðir sem eru hannaðar eftir þörfum nútímafólks. Íbúðirnar eru vandaðar með fallegum innréttingum. Lumex sá um að hanna alla lýsingu í íbúðunum og er hún í takt við það sem er að gerast í íbúðaheiminum í dag.
Í íbúðunum er til dæmis salerni inn af hjónaherbergi sem er mjög eftirsóknarvert fyrir þá sem vilja frið og ró á þessum heilaga stað. Í íbúðunum er líka aukin lofhæð og eru allar íbúðirnar með sérinngangi og bílskúr.
Eins og sést á myndunum eru íbúðirnar afar fallegar með fantagóðu skipulagi. Það voru mæðgurnar Matthildur Guðbrandsdóttir og Sóley Baldursdóttir sem stíliseruðu íbúðirnar fyrir myndatöku. Þar er að finna sófa úr Habitat, barstóla og borð úr IKEA, stóla úr Pennanum og svo koma rúmin og sængurnar úr Vogue.