Melania Trump, forsetafrú Bandaríkjanna, kláraði að skreyta í Hvíta húsinu áður en hún flaug yfir Atlantshafið með eiginmanni sínum Donald Trump. Þau eru nú stödd í Bretlandi en heima í Washington D.C. er heldur betur orðið jólalegt.
Jólaskrautið þetta árið er einstaklega fallegt og hefur hingað til ekki stuðað neinn. Í fyrra voru jólaskreytingar forsetafrúarinnar gagnrýndar og sagðar skírskota í þættina um Sögu þernunnar eða Handmaid's Tale.
Þá voru jólatrén rauð en í ár eru þau græn með gylltu skrauti. Frú Trump segir á Instagram að þemað sé „The Spirit of America“ eða „Andi Ameríku“.