Raunveruleikaþáttastjarnan Kim Kardashian West er búin að skreyta fyrir jólin. Jólaskraut Kardashian West er heldur óhefðbundið og ekki mjög litríkt.
Kardashian West sýndi jólaskrautið á heimili sínu og tónlistarmannsins Kanye West á Instagram í gær. Á gangi í húsinu er fjöldi hvítra púða-jólatrjáa, ef jólatré má kalla. Púðatrén eru án efa einstaklega sérstakt val á jólaskrauti en þau hjónin eru þekkt fyrir sérstakan smekk á innanhússhönnun.
Fjölskyldan er einnig búin að setja upp hefðbundið jólatré, sem er einnig hvítt. Það er skreytt með hvítri ljósaseríu, en engum jólakúlum.