Guðjón Pedersen og Katrín Hall eru skráðir eigendur að 290 fm fasteign við Suðurgötu 4 í Reykjavík. Parhúsið hefur verið í útleigu síðustu ár. Nú síðast leigðu Steinunn Ólína Þorsteinsdóttir leikkona og Margrét Kristín Blöndal, tónlistarmaður og formaður Samtaka leigjenda, parhúsið. Þær kusu að deila húsaleigunni og reka saman heimili því það er hagkvæmara. Þessi sambúð leiddi ýmislegt gott af sér eins og skemmtiþáttinn Útvarp Heimili þar sem þær hlustuðu á Útvarp Sögu og borðuðu hafragraut.
Nú er búið að auglýsa parhúsið til leigu. Eignin skiptist í sjö svefnherbergi, stofu, eldhús og baðherbergi.
Efri hæð:
„Með sérinngangi á tveimur stöðum, fjórum rúmgóðum svefnherbergjum öll með parketi á gólfum, baðherbergi og eldhúsi. Væri líka mjög hentugt fyrir skrifstofuhúsnæði. Mikil lofthæð og stórir gluggar í flestum rýmum. Afgirt fallegt útisvæði er á bak við húsið,“ segir á fasteignavef mbl.is.
Neðri hæð:
„Sérinngangur, 3 svefnherbergi með parketi á gólfum, fataherbergi inn af hjónaherberginu. Stórt nýlega innréttað baðherbergi með flísum á gólfi, baði og sturtuklefa. Geymsla sem er möguleiki að breyta í eldhús. Afgirt fallegt útisvæði er á ba kvið húsið,“ segir jafnframt á fasteignavef mbl.is.