Píanóleikarinn Víkingur Heiðar Ólafsson og Halla Oddný Magnúsdóttir fréttamaður hafa sett sína fallegu íbúð við Mávahlíð á sölu. 

Íbúðin er 143,7 fm að stærð og stendur í húsi sem byggt var 1946. Búið er að innrétta bílskúrinn sem íbúð. Ásett verð er 64.900.000 kr. 

Fallegt er um að litast hjá hjónunum en á heimilinu fá falleg húsgögn að njóta sín. Í stofunni eru falleg listaverk á veggjunum sem fara vel við ljósbrúnan leðursófa og fallega mottu. 

Í borðstofunni eru Y-stólar eftir Hans J. Wegner sem fara vel við stórt eikarborð. Í stofunni er píanó en frammi á gangi er flygill. Annað píanó er svo inni í einu herbergjanna og flygill í bílskúrnum. 

Af fasteignavef mbl.is: Mávahlíð 5