Astrid Boysen og Birgir Gunnarsson hafa sett sitt fallega raðhús á sölu en þau eru að flytja á Ísafjörð því hann er nýráðinn bæjarstjóri þar í bæ. Áður var hann forstjóri Reykjalundar.
Um er að ræða 194,2 fm raðhús í Mosfellsbæ sem var byggt 2016. Húsið er fallega innréttað með hvítum sprautulökkuðum innréttingum í eldhúsi. Granít er á borðplötum í eldhúsinu og þar er gott geymslupláss. Í eldhúsinu er stór tækjaskápur þar sem hægt er að fela hrærivél, kaffivél og blandara.
Parket er á gólfunum og er hjónasvítan afar glæsileg með stóru fataherbergi og baðherbergi.
Í heild sinni er heimilið afar fallegt og fjölskylduvænt þar sem hátt er til lofts og vítt til veggja.