Við Haðarstíg í Reykjavík stendur afar sjarmerandi 151 fm parhús sem byggt var 1927. Um er að ræða hús með aukaíbúð í kjallara.
Haðarstígur er eitt best geymda leyndarmál miðborgarinnar en við götuna eru að mestu leyti lítil krúttleg hús.
Gengið er inn í forstofu og er eldhús, borðstofa og stofa í sameiginlegu rými. Á efri hæðinni eru herbergi og baðherbergi. Í kjallaranum er svo aukaíbúð sem hægt er að leigja út. Stórar svalir eru út úr stofunni en þar er svo sannarlega hægt að hafa það notalegt á hlýjum sumardögum. Einnig er hægt að opna út á svalir úr hjónaherberginu.
Eins og sést á myndunum er húsið skemmtilega innréttað og er mikil sál í húsinu þótt það sé smátt í sniðum.