Eldhús gerast ekki miklu líflegri en eldhús eitt á Seljabraut í Seljahverfi í Reykjavík. Sænsku fánalitirnir eða gulu og bláu IKEA-litirnir eru áberandi í eldhúsinu. Eldhúsið litríka er í fjögurra herbergja íbúð á tveimur hæðum sem er komin á sölu.
Húsið var byggt árið 1976 en arkitektinn Albína Thordarson teiknaði eldhúsið. Nóg er af góðu skápaplássi í eldhúsinu en ásamt hefðbundnum efri og neðri skápum eru stórir og góðir skápar sem ná upp til lofts.