Við Unnarbraut 12 á Seltjarnarnesi hafa Sveinn H. Guðmarsson, fyrrverandi fréttamaður og núverandi upplýsingafulltrúi í utanríkisráðuneytinu, og Þórhildur Ólafsdóttir, dagskrárgerðarmaður hjá RÚV, búið sér fallegt heimili. Nú hyggjast þau færa sig um set og er íbúðin komin á sölu.
Um er að ræða 180 fm íbúð sem stendur í húsi sem byggt var 1963. Íbúðin er björt með útsýni út á haf.
Stofa og eldhús eru í sameiginlegu rými og er húsgögnum raðað upp á heillandi hátt. Þar má sjá fullt af bókum og listaverkum í bland við tekkhúsgögn og klassíska hönnun.
Heimilið er lifandi og skemmtilegt og hvergi dauður punktur þar sem ekkert er að gerast.