Við Hjarðarhaga í Reykjavík hefur einstaklega smekkleg fjölskylda hreiðað um sig í 102.2 fm íbúð á besta stað í hjarta Vesturbæjarins.
Blokkin sjálf var byggt 1956 og er búið að endurnýja eldhús og baðherbergi. Það sem er sjarmerandi við þessa íbúð er hvernig húsgögnum er raðað saman. Grár litur tengir saman heillandi stíl þar sem klassískir lampar fá að njóta sín í bland við ægifögur málverk.
Það loftar vel um allt þótt það séu bækur á mörgum stöðum og svolítið skipulögð óreiða sem er svo heillandi. Það sem hægt er að lesa út úr heimilinu er að þarna búi fólk sem elskar að lífið.