Fallegt og nýuppgert endaraðhús við Brúnaland í Fossvoginum er komið á sölu. Núverandi eigendur hafa komið sér smekklega fyrir í húsinu sem er á fjórum pöllum og fær skandínavísk hönnun að njóta sín í húsinu.
Þrjú svefnherbergi eru í húsinu sem og þrjú baðherbergi. Hjónaherbergið er sannkölluð hjónasvíta en úr herberginu er innangengt í fataherbergi og á baðherbergi.
Þeir sem þekkja til í Fossvoginum vilja meina að þar sé alltaf besta veðrið á höfuðborgarsvæðinu. Nýbúið er að gera pall við húsið og er vafalaust hægt að nýta hann ásamt heita pottinum og útisturtunni í góða veðrinu í Fossvoginum.