Jórunn Ósk Frímannsdóttir Jensen, hjúkrunarfræðingur og fyrrverandi borgarfulltrúi, og Hörður Ólafsson læknir hafa sett sitt einstaka einbýli við Einimel á sölu. 

Húsið er 258 fm að stærð og var byggt 1933. Búið er að endurnýja húsið mikið. Þar er til dæmis nýlegt eldhús og nýleg gólfefni. Í kringum húsið er fallegur garður. 

Í eldhúsinu er hvít sprautulökkuð innrétting með fulningum og litlum flísum á milli skápa og á borðplötu. Flísarnar eru í frönskum stíl og mjög rómantískar. Eldhúsið er opið inn í borðstofu þar sem Grand Pix-stólar Arne Jacobsen fara vel við massívt viðarborð. 

Í húsinu eru hurðir, gluggar, gólflistar og loftlistar allt málað í hvítum lit. 

Af fasteignavef mbl.is: Einimelur 19