Við Garðastræti 37 í Reykjavík stendur eitt af glæsihúsum borgarinnar. Húsið var byggt 1939 og var það Gunnlaugur Halldórsson arkitekt sem hannaði það. Hann var einn af brautryðjendum íslenskrar byggingarlistar. 

Húsið er í eigu GAMMA Capital Management hf. en félagið festi kaup á húsinu 2. október 2013. Húsið var allt tekið í gegn og endurhannað á vandaðan hátt en það er 679 fm að stærð. 

Á gólfunum er gegnheilt eikarparket en í votrýmum eru flísar. Veggir eru í flestum tilfellum hvítmálaðir og eru hurðir og gluggar stíflökkuð í hvítum lit. Í húsinu er bar með afar fallegum speglaflísum í bakgrunni. Húsið er glæsilegt án húsgagna og þeir sem hafa öfluga rýmisgreind geta séð fyrir sér hvernig þessi og hinn sófi myndi passa þarna inn eða hvort hringlaga fundarborð myndi fara betur en kassalaga. 

Af fasteignavef mbl.is: Garðastræti 37