Það skiptir miklu máli að vera með góða birtu á heimilinu en rými eru misbjört. Sem betur fer fyrir budduna er hægt að nota aðrar aðferðir en að brjóta niður veggi eða stækka glugga til að lýsa upp dökk rými. Á vef Elle Decor er að finna skemmtilegar lausnir til að ljá þeim bjartara yfirbragð.
Listaverk
Dökk herbergi eru notaleg en litrík listaverk geta gefið herberginu lit. Ráðlagt er að hengja upp dekkri myndir í bjartari herbergjum.
Kristalsljósakróna
Kristalsljósakrónan lýsir ekki bara herbergið upp heldur endurspeglar sólarljós og aðra ljósgjafa í rýminu.
Málning
Sniðugt er að mála í ljósum litum og bíða með dekkri litatóna, jafnvel þótt dökkt sé í tísku. Fyrir þá djörfu má mála dökk rými með litum sólarinnar, gulum, appelsínugulum og rauðum. Þá má gera tilraun með því að mála loft ljósblá. Ljósblái liturinn minnir á himininn á björtum sumardegi. Einnig er mælt með því að nota matta málningu í stað málningar með glansandi áferð.
Ljóst gólfefni
Þegar birta er lítil er sniðugt að velja ljóst gólfefni.
Mottur
Stórar og litríkar mottur gera heilmikið fyrir rými sem eru annars dimm. Mottur gera rými persónulegri og geta gefið góða mynd af fagurfræði íbúa.
Speglar og aftur speglar
Með því að stilla upp spegli beint á móti því sem hleypir birtu inn í rými má auka birtuna. Hægt er að hengja upp stóran spegil eða nokkra minni.
Gardínur
Losaðu þig við þykkar og dökkar gardínur.
Tré
Ef tré eru fyrir gluggum er það ekki til þess að gera rými bjartari. Gott er að snyta tré reglulega og huga að því hvar tré eru gróðursett.
Hreinir gluggar
Það gleymist stundum að þrífa gluggana en það getur gert heilmikið fyrir rými að hafa hreinar rúður.
Glansandi og glært
Þótt fólk ætti að forðast að nota málningu með glansandi áferð í dekkri rýmum má alveg nota glansandi húsgögn. Hlutir með glansandi yfirborði eða gegnsæ húsgögn ættu að gera gott mót í rýmum þar sem birta er af skornum skammti.