Fullkomin leið til að láta sig hlakka til

Litlu hlutirnir spila stærra hlutfall í tilverunni þessa dagana og þess vegna er aldrei mikilvægara að hafa eitthvað til að hlakka til. Fólk sem elskar ljúffengan lakkrís og almenn lekkerheit ætti að geta glaðst núna því forsala er hafin á einu vinsælasta jóladagatali landsins, lakkrísdagatalinu frá Lakrids by Bülow. Dagatalið hefur heillað íslenska sælkera undanfarin ár. 

Jóladagatalið frá Lakrids by Bülow er tilvalið til að telja niður dagana til jóla og gera smá vel við sig í leiðinni. Dagatalið í ár er fyllt með gourmet lakkrís á heimsmælikvarða og er eitthvað sem alvöru lakkrísunnendur geta ekki látið framhjá sér fara. Forsala á dagatalinu er hafin í Epal sem flytur inn lakkrísinn.