Leikarahjónin Ingvar E. Sigurðsson og Edda Arnljótsdóttir hafa sett heimili sitt í Vesturbæ Reykjavíkur á sölu. Um er að ræða einstaklega fallega sérhæð og ris með sérinngangi og stórum garði. 

Heimili Ingvars og Eddu er einstaklega fallegt og þar má meðal annars finna öll verðlaunin sem þau hjónin hafa hlotið í gegn um árin.

Húsið stendur við Hofsvallagötu og er teiknað af Ágústi Pálssyni arkitekt árið 1949 en byggt árið 1951. Hæðin er 230,9 fermetrar og skiptist í forstofu, hol, þrjú svefnherbergi, baðherbergi, gestasnyrtingu og eldhús. Í risinu eru þrjú svefnherbergi til viðbótar, baðherbergi og stofa. Ásett verð er 135.000.000 kr.

Garðurinn er einstaklega mikil prýði en þar má meðal annars finna skemmtilegt tréhús.

Af fasteignavef mbl.is: Hofsvallagata 55