Kvikustarfsmaðurinn Ragnar Páll Dyer hefur fest kaup á einbýlishúsi nokkru í Garðabæ. Húsið var áður í eigu Ara Edwald forstjóra Mjólkursamsölunnar og Gyðu Dan Johansen. Húsið við Einilund er afar glæsilegt með marmaraflísum á gólfi og dökkum innréttingum í eldhúsi og baðherbergi. Sjónsteypa er áberandi í húsinu og gefur því mikinn svip. 

Ragnar Páll hefur verið farsæll í starfi hjá Kviku banka og er nú framkvæmdastjóri fjármála- og rekstrarsviðs. Hann var áður framkvæmdastjóri Júpíters. 

Eins og sést á myndunum hér fyrir neðan mun ekki fara illa um Ragnar Pál og fjölskyldu hans í þessu heillandi húsi.