Hinir svokölluðu „ljótu litir“ eru að ryðja sér til rúms í hönnunarheiminum. Þessir litir hafa hingað til þurft að lúta í lægra haldi fyrir vinsælli litum á borð við pasteltóna, hlutlausan gráan lit og aðra skærari liti. 

Vogue Living fjallar um að á nýju ári verði ljótu litirnir meira áberandi á heimilum fólks, en hvað telst til ljótra lita?

Vogue Living flokkar ljóta liti sem „óhreina liti“ eins og ryðrautt, sinnepsgult og aðra brúna eða græna tóna. „Litir sem fá mann til þess að staldra við og bretta upp á nefið,“ segir í lýsingu Vogue Living.

„Ástralska ríkið reyndi á sínum tíma að setja ljótasta mögulega lit á sígarettuumbúðir til þess að fæla fólk frá reykingum. Fyrir valinu varð liturinn pantone hue 448C eða opaque couché.“

Þessi græni litur var valinn sá ljótasti og honum ætlað að fæla fólk frá sígarettureykingum. Skjáskot

Snýst um að skapa jafnvægi

Sérfræðingar í litum mæla þó ekki með að fólk fari að mála allt í ljótustu litunum. „Það er mikilvægt að velja litina vel sem eiga að fara saman. Sé rétta samsetningin valin er hægt að breyta heimilinu í fallegt og hlýlegt umhverfi. Þetta eru litir sem henta vel þeim sem vilja ekki að heimilið virki of fágað eða stíliserað,“ segir innanhússhönnuður.

„Þegar ég er að þróa vörunar mínar para ég yfirleitt ljótan lit með fallegri lit eins og til dæmis ryðrauðan með fölbláum eða gúrkugrænan við rósbleikan lit. Þetta snýst allt um jafnvægi. Ég forðast „ljóta liti“ á alrými en kýs að nota þá frekar í púðum eða húsgögnum til að ljá rýminu persónuleika.“

Sinnepsgulur þykir hlýlegur Skjáskot/Instagram

Rústrautt er að koma sterkt inn. Skjáskot/Instagram

Tengdar fréttir

Hugmyndir fyrir heimilið

Stílhreint 105 fm einbýli í Kópavogi

• 5 sjarmerandi eignir sem kosta undir 55 milljónir
• Þetta vilja töffarar landsins fá í sumargjöf
• Hönnunarhótel opnar í sögufrægu húsi í Stykkishólmi
• 10 hugmyndir að sumargjöfum frá þér til þín

» Fleiri tengdar fréttir

• Blogga um frétt