Heimili Davids og Victoriu Beckham er afar fínt og er eldhúsið þar engin undantekning. Hjónin gefa fylgjendum sínum innsýn í heimilislíf sitt á samfélagsmiðlum og þar má sjá vel hannað heimilið þar sem íburðurinn er mikill.
Fyrir skömmu birti Victoria Beckham mynd úr eldhúsinu. Þar var hún að príla upp í eldhússkáp, en það þurfti meira til en koll til þess að komast upp í efstu hæðir. Á eldhúsinnréttingunni er áfastur stigi sem hægt er að færa til um eldhúsið. Það kemur sér eflaust vel fyrir lágvaxna.