Tónlistarkonan Halsey keypti paradísarhús One Direction-stjörnunnar Liams Paynes í Calabasas í Kaliforníu í Bandaríkjunum á dögunum. Kaupverðið var rúmar 10 milljónir bandaríkjadala eða um 1,2 milljarðar íslenskra króna.
Húsið stendur á einstökum stað í hæðunum fyrir ofan Malibu og er sannarlega einstakt. Þar er að finna fossa og tjarnir í garðinum. Þar er líka sundlaug, líkamsrækt, vínkjallari og bókaherbergi á tveimur hæðum.
Fimm svefnherbergi eru í húsinu og sex baðherbergi. Í húsinu eru líka hljóðver, gestahús og hugleiðsluhús.