Anna prinsessa gaf heiminum örlitla innsýn inn í heimili sitt og eiginmanns síns sir Timothys Laurence á dögunum. Konungsfjölskyldan birti mynd úr stofunni heima hjá Önnu þar sem þau hjónin fylgdust með rúgbíliði Skotlands keppa í Kalkúttabikarnum. 

Prinsessan hefur aldrei áður sýnt heimili sitt í Cloucestershire opinberlega. Stofan er full af hillum og skápum sem eru vel skreyttir litlum styttum og myndum af fjölskyldunni. Hún er með appelsínugulan blómasófa í stofunni og húsgögnin eru öll úr dökkum við.

Við sjónvarpið má sjá glitta í hundabæli og á veggjunum, sem málaðir eru í ljósgrænum lit, eru málverk og ljósmyndir. Á sófaborðinu er fjöldinn allur af bókum og blöðum.

Stíll prinsessunnar virðist vera ákaflega heimilislegur og augljóst að hún er ekki undir áhrifum frá skandinavískum mínimalisma. Frekar mætti flokka stíl hennar sem einhvers konar sveitasetursstíl.

Það er heimilislegt heima hjá Önnu prinsessu. Ljósmynd/Twitter

Tengdar fréttir

Heimili

Jón Jónsson og Hafdís selja 182 milljóna einbýli

• Rakel og Pálmi Guðmunds selja lekkera íbúð á besta stað
• Stílhreint 105 fm einbýli í Kópavogi
• Arkitektahöll í Fossvogi með eftirsóknarverðum eiginleikum
• 5 sjarmerandi eignir sem kosta undir 55 milljónir

» Fleiri tengdar fréttir

• Blogga um frétt