Leikarinn og skemmtikrafturinn Steinþór Hróar Steinþórsson, betur þekktur sem Steindi Jr. og kærasta hans Sigrún Sigurðardóttir hafa sett íbúðina sína í Mosfellsbænum á sölu. Um er að ræða 110 fermetra raðhús byggt árið 1986. 

„Jæja, þá er elsku Víðiteigurinn farinn á sölu. Ég mun kveðja þetta hús með miklum söknuði, hér hefur verið yndislegt að búa síðustu ár en kominn tími til að stækka við sig þar sem Sigrún hættir ekki að væla um fleiri krakka (djók, við erum hætt) við lofuðum nágrönnum okkar að aðeins gott fólk kæmi til greina. Það er best að búa í Mosó,“ skrifaði Steindi við fasteignaauglýsinguna á Facebook í dag. 

Þrjú svefnherbergi eru í íbúðinni og eitt baðherbergi. Björt og falleg sólstofa er í stofunni og rúmgóður pallur við sólstofuna. Heimili Steinda og Sigrúnar er einstaklega falleg en fjöldi listaverka og ljósmynda prýðir veggi heimilisins. Skemmtilegt veggfóður með bleikum flamingóum skreytir hjónaherbergisvegginn og skapar framandi stemningu í herberginu.

Af fasteignavef mbl.is: Víðiteigur 4C