Hjónin Íris Ann Sigurðardóttir og Lucas Quesnel Keller, eigendur The Coo Coo's Nest og Lunu Flórens, hafa sett heimili sitt á Vesturgötu á sölu. Heimilið er dásamlega fallegt, skreytt plöntum og veggirnir eru málaðir í fallegum litum.
Um er að ræða 91 fermetra íbúð í fjögurra íbúða húsi sem var byggt árið 1930. Tvö svefnherbergi eru í íbúðinni og eitt baðherbergi.
Stofan er máluð í fallegum bleikum lit og veggirnir eru skreyttir af fallegum listaverkum. Á heimilinu má finna falleg bast húsgögn sem setja svip sitt á heimilið og skapa stemninguna. Falleg gyllt barborð er að finna í stofunni og er nýjum og gömlum húsgögnum raðað saman á smekklegan hátt.
Eldhúsið er einstaklega vel skipulagt með hvítri innréttingu og viðar borðplötunum. Engir efri skápar eru í eldhúsinu en fallegar viðar hillur eru á veggjunum.
Af fasteignavef mbl.is: Vesturgata 54