Í tilefni af 10 ára afmæli Smartlands Mörtu Maríu rifjum við upp gamlar og góðar fréttir. Vefurinn greindi frá því að Björgólfur Thor Björgólfsson fjárfestir og eiginkona hans, Kristín Ólafsdóttir, leigðu á tímabili glæsilegt 500 fm einbýlishús við Láland 1 í Fossvogi.
Svo kom að þeim tímamótum að eigandi hússins vildi selja það. Fyrst um sinn var það sett inn á fasteignavef mbl.is án þess að þar væri tilgreint hvaða hús þetta væri nákvæmlega. Smartland flutti að sjálfsögðu fréttir af þessu:
Svo kom að þeim tímamótum að húsið var auglýst í allri sinni dýrð árið 2017.
Það var svo ekki fyrr en 2018 að húsið fékk nýja eigendur þegar Margrét Inga Guðnadóttir og Jarad Tarkan Conger keyptu það.