Anna Sigurlaug Pálsdóttir fjárfestir hefur fest kaup á risastórri lóð við Þrastanes 22 í Arnarnesi. Lóðin er mjög stór eða 1.733,0 m². Til að setja stærðina á lóðinni í samhengi þá er hún eins og þrjár hefðbundnar einbýlishúsalóðir ef marka má stærð hefðbundinna lóða á höfuðborgarsvæðinu. 

Anna Sigurlaug keypti lóðina 2019 af P.S. fasteignum ehf. en félagið er í eigu Páls B. Samúelssonar föður Önnu Sigurlaugar. Hann er stofnandi fyrirtækisins P. Samúelssonar sem seldi þjóðinni Toyota-bifreiðar frá 17. júní 1970 til ársins 2005 þegar hann seldi fyrirtækið til fjárfestingafélagsins Smáeyjar ehf.

En hvers virði er svona stór og myndarleg lóð í Arnarnesi?

Fasteignamat lóðarinnar er 27.900.000 kr. Ekki kemur fram í kaupsamningi hvað greitt hafi verið fyrir lóðina en í afsali kemur fram að hún hafi verið greidd að fullu. 

Lóðin við Þrastanes 22 er í eigu Önnu Sigurlaugar Pálsdóttur. mbl.is/Sonja Sif Þórólfsdóttir

Tengdar fréttir

Heimili

Arkitektahöll í Fossvogi með eftirsóknarverðum eiginleikum

• Sigurður Gísli keypti þriðju lúxusíbúðina í sömu blokk
• Inga og Bergur kíró selja 269 milljóna einbýli með Bose-hljómtækjum
• Ási selur draumaíbúð með leyniherbergi sem sumir þrá
• 10 hugmyndir að sumargjöfum frá þér til þín

» Fleiri tengdar fréttir

• Blogga um frétt