Viltu verða nágranni eins ríkasta manns Íslands?

Við Hrólfsskálavör 1 á Seltjarnarnesi má finna glæsilega lóð sem nú er föl fyrir rétt verð. Við Hrólfsskálavör 2 býr Davíð Helgason, einn ríkasti maður Íslands, en hann festi kaup á húsinu sem áður var í eigu Skúla Mogensen, fyrrverandi forstjóra Wow air. 

Um er að ræða 761 fm einbýlishúsalóð. Hefðbundin einbýlishúsalóð er yfirleitt um 600 fm að stærð og er þessi örlítið stærri og svo skemmir ekki staðsetningin fyrir. Við hliðina á stendur glæsilegt einbýlishús sem eitt sinn var í eigu Siggu Heimis iðnhönnuðar en er nú í eigu Önnu Fjeldsted kennara og eiginkonu Arnaldar Indriðasonar metsöluhöfundar. 

Óskað er eftir tilboðum í lóðina en fasteignamat hennar er 6.630.000 kr. 

Af fasteignavef mbl.is: Hrólfsskálavör 1

mbl.is