Listamennirnir Bjarni Sigurbjörnsson og Ragnheiður Guðmundsdóttir hafa sett loftíbúð sína í Kópavogi á sölu. Íbúðin er í loftsstíl eins og í New York og San Francisco en Bjarni innréttaði hana sjálfur.
Húsið var byggt af föður Bjarna frá 1978 til 1983 og var upphaflega hugsað sem verkstæðishúsnæði.
Vinnustofur hjónanna eru við hliðina á íbúðinni og eru einnig til sölu. Íbúðarhúsnæðið er 175,8 fermetrar að stærð og vinnustofan jafnstór.
Listaverk þeirra Bjarna og Ragnheiðar prýða íbúðina og setja punktinn yfir i-ið í allri hönnun íbúðarinnar.
Ásett verð eignarinnar er 140.000.000 kr.