Skipulagsdrottningin Þóra Hrund Guðbrandsdóttir hefur sett íbúð sína í Kópavogi á sölu. Um er að ræða íbúð í fjölbýlishúsi á einum hæsta stað í borginni og sést vel yfir allt höfuðborgarsvæðið úr íbúðinni.
Heimili Þóru er dásamlega fallegt en fjallað var um það í Heimilislífi í maí. Stíllinn er klassískur og vandaður. Í stofunni eru til dæmis svartir leðurstólar sem hægt er að snúa. Þeir voru sérvaldir inn í íbúðina til þess að hægt væri að njóta útsýnisins sem best.
Íbúðin er 200 fermetrar með fjórum svefnherbergjum og góðum bílskúr. Hjónaherbergið er mjög rúmgott með stórum fataskáp, útgengt er á svalir í austur.
Ásett verð er 127.900.000 kr.