Það er fátt betra en að slappa af í sumarbústað um hásumar á Íslandi. Í Kjós er að finna sjúklega smekklega innréttaðan sumarbústað til sölu. Um er að ræða 125,7 fermetra heilsárshús rétt við Meðalfellsvatn.
Húsið stendur á rúmlega 3 þúsund fetmetra eignarlóð og því tækifæri til að gera ýmislegt á lóðinni, til dæmis að halda gott ættarmót. Ásett verð er 69.900.000 krónur.
Stór pallur er við húsið og heitur pottur er á honum. Þrjú svefnherbergi eru í húsinu. Í eldhúsinu er einstaklega falleg svört innrétting, með eyju og amerískur ísskápur fylgir með.