Guðni Ágústsson fyrrverandi ráðherra og einn besti vinur íslensku sauðkindarinnar og eiginkona hans, Margrét Hauksdóttir, hyggjast flytja. Þess vegna hafa þau sett sína glæsilegu íbúð í Skuggahverfinu á sölu.
Íbúð hjónanna er notaleg og full af ást og hlýju. Húsið sjálft var byggt 2008 og er íbúðin 127 fm að stærð.
Íbúðin er fullkomin fyrir fólk sem elskar að búa í miðbænum en kýs þó frið og ró. Íbúðinni fylgja skjólgóðar svalir þar sem hægt er að hafa það einstaklega notalegt.
Eins og sést á myndunum hafa Margrét og Guðni búið sér gott heimili þar sem snyrtimennska er í forgrunni.