Kvikmyndaframleiðandinn Sigurjón Sighvatsson og eiginkona hans Sigríður Jóna Þórisdóttir kennari og sálfræðingur eru eigendur glæsilegrar jarðar á Hellnum á Snæfellsnesi. Um er að ræða 110 hektara lóð með 365 fm húsi sem búið er að endurnýja mikið. Nú er jörðin komin á sölu og er föl fyrir 200 milljónir. 

Bæjarstæðið er afar fallegt. Húsið sjálft stendur á góðum stað og er útsýni úr því stórbrotið og heillandi. Í húsinu eru fallegar innréttingar og gólfefni. Ljósir litir fá að njóta sín í bland við litríka borðstofustóla og málverk.

Sigurjón og Sigríður hafa búið um allan heim og lengi í Los Angeles. Hér hafa þau hins vegar átt skjól frá skarkala heimsins og kunnað að meta það. 

Eins og sést á myndunum er fallegt um að litast og kyrrðin leynir sér ekki. 

Af fasteignavef mbl.is: Laugarbrekka Hellnum