Í Álftamýri í Reykjavík er að finna einstaklega smekklega og fallega íbúð í blokk sem byggð var 1963. Þar hafa fagurkerar búið sér fallegt heimili. Stofan er sérlega hugguleg í björtum náttúrulegum tónum.
Í stofunni er að finna sófaeiningar úr Ikea sem þykja einstaklega þægilegar á sama tíma og þær eru mikið fyrir augað. Skandínavískur mínimalismi er einkennandi fyrir stofuna sem getur zen-að hvaða stressbolta sem er.
Mínimalisminn er einnig í hávegum hafður í eldhúsinu sem er málað í fallegum ljósbrúnum lit. Eldhúsinnréttingin er hvít og engir efri skápar gera það opnara og bjartara.
Þrjú svefnherbergi eru í íbúðinni og eitt baðherbergi. Ásett verð er 61.900.000 krónur.