Innanhúshönnuðurinn Denice Lindell býr í einstaklega glæsilegu húsi frá 19. öld í Svíþjóð. Hún er með fallegan smekk og kann betur en margir aðrir að láta fara vel um vínflöskurnar inn í skáp í eldhúsinu sínu.
Það eru margir sem kunna að fá sér eitt vínglas með mat og vilja hafa hönnun heimilisins þannig að í kringum vínskápinn myndast þægileg stemning. Það sem virkar vel í þessu samhengi er að velja stórt rými inn í eldhúsinu og að blanda fleiri hlutum inn í skápinn.
Þegar farið er inn á skemmtistaði er vanalega bar, há tónlist og fullt af fólki.
Þeir sem vilja búa til hreiður inn á fjölskylduheimilinu fyrir vínið, gera andstæðuna við þetta. Setja bækur inn í skápinn, fallegan við og rómantíska lýsingu sem minnir á að áfengið þarf ekki að taka yfir rýmið.
Það er hátt til lofts og vítt til veggja inn á heimili Lindell. Eldhúsið er hvítt með marmara sem tónar vel við gráa liti á veggjunum. Parketið á gólfinu er hlýlegt og notar hún við í sama stíl inn í vískápinn sinn.
Birtan spilar stórt hlutverk inn á heimilinu og veit hún fátt notalegra en að vera vakin við sólina.