„Það er réttur allra að eiga öruggt húsaskjól“

Björn Leví Gunnarsson á fallegt heimili sem er prýtt alls …
Björn Leví Gunnarsson á fallegt heimili sem er prýtt alls konar list og húsbúnaði. mbl.is/Kristinn Magnússon

Björn Leví Gunnarsson, þingmaður Pírata, er í fullu fjöri þessa dagana á fundum og með erindi víða. Honum líður vel heima hjá sér og segir heimilið samvinnu foreldra og barna. 

„Síðustu dagar í kosningabaráttunni eru vinna frá morgni til kvölds. Þannig að maður er ekki eins mikið heima að njóta sín og áður.“

Hvað getur þú sagt mér um heimilið þitt?

„Sagan segir að húsið sem ég bý í sé á meðal fyrstu raðhúsanna í Reykjavík.

Þau voru byggð með því efni sem var tiltækt og því er bæði munur milli raðanna hér fyrir norðan og sunnan og einnig efnismunur á milli húsa. Það er frekar augljóst hvernig var sparað í pípulögnum þar sem ofnar eru staðsettir á óhefðbundnum stöðum. Steypan er vel blönduð með grjóti og það þarf alvöru bor til þess að gera göt í veggina hérna.“

Hvað er gott heimili í þínum huga?

„Gott heimili er með pláss og frið til að sofa og borða.“

Hvernig geta stjórnmálamenn barist fyrir betri húsakosti almennings í landinu?

„Með því að gera sér grein fyrir því að það er skortur á íbúðum sem þýðir að fólk býr lengi í foreldrahúsum og í ósamþykktu og óöruggu húsnæði. Há leiga og húsnæðisverð sem hækkar hraðar en flestir geta safnað upp fyrir án aðstoðar er raunveruleikinn í dag og þarf að leysa það.“

Sinna húsverkunum saman

Hver er uppáhaldsstaðurinn þinn heima?

„Uppáhaldsstaðurinn minn er í stofunni hjá plötuspilaranum.“

Hverju sinnir þú á heimilinu?

„Við hjónin sinnum húsverkunum saman. Það er engin verkaskipting hjá okkur. Ég kem yfirleitt krökkunum í skólann á morgnana og hef oftar sett í þvottavél undanfarið og minna verið að elda.“

Það er hella á granítsteininum í eldhúsinu sem gerir nálægðina …
Það er hella á granítsteininum í eldhúsinu sem gerir nálægðina við þá sem eru að elda skemmtilega. mbl.is/Kristinn Magnússon

Dreymir um hengirúm

Ertu með ákveðnar skoðanir á því hvernig heimilið á að líta út og vera?

„Já, en ég treysti Heiðu konunni minni betur til þess að hafa lokaorðið. Heimilið er samt alltaf samvinna að mínu mati.“

Áttu draumahúsgagn sem þig langar að kaupa inn á heimilið?

„Já mig dreymir um hengirúm.“

Finnst þér vera réttur allra að geta keypt sér íbúð?

„Það er réttur allra að eiga öruggt húsaskjól. Það er líka réttur allra að ákveða hvernig skuldbinding fylgir því öryggi.“

Miðpunktur heimilisins er eldhúsið þar sem stutt er í allt …
Miðpunktur heimilisins er eldhúsið þar sem stutt er í allt og fjölskyldan getur átt góðar stundir saman. mbl.is/Kristinn Magnússon

Þurfum að vera sammála um húsnæðismarkaðinn

Hvernig getum við útfært þessi réttindi?

„Það er spurning um ákvörðun. Ef við erum sammála um að allir eigi rétt á öruggu húsaskjóli þá getum við einnig komist að því hvað er lágmark þess sem uppfyllir þau réttindi. Við höfum ekki enn sett okkur slík skilyrði sem þýðir að annaðhvort erum við ekki öll sammála um réttindin eða höfum forðast að skilgreina þau á skýran hátt.

Ég myndi vilja sjá að allir ættu að minnsta kosti aðgang að smáhýsi sem neyðarúrræði.“

Bleiku gardýnurnar gera mikið fyrir ásýnd heimilisins.
Bleiku gardýnurnar gera mikið fyrir ásýnd heimilisins. mbl.is/Kristinn Magnússon

Ég veit að það eru margir fastir á leigumarkaði og eiga þá erfitt með að safna. Hvað getum við gert í því?

„Við getum losað okkur við skortinn á íbúðum. Það vantar í það minnsta 4.000 íbúðir til viðbótar við árlega þörf. Við þurfum að ná þeim skorti niður sem fyrst.“

Af hverju ertu stoltastur í lífinu?

„Ég er stoltastur af æðislegu krökkunum mínum.“

Það er auðséð að heimilisfólkið er mikið fyrir kafii og …
Það er auðséð að heimilisfólkið er mikið fyrir kafii og allskonar listaverk. mbl.is/Kristinn Magnússon
Prentlistaverk sem boðar áhugaverða ádeilu listamálarans Þrándar Þórarinssonar hangir á …
Prentlistaverk sem boðar áhugaverða ádeilu listamálarans Þrándar Þórarinssonar hangir á góðum stað í stofunni. mbl.is/Kristinn Magnússon
Blóm i bland við áhugaverð tímarit.
Blóm i bland við áhugaverð tímarit. mbl.is/Kristinn Magnússon
Það fer vel um Björn Leví heima hjá sér.
Það fer vel um Björn Leví heima hjá sér. mbl.is/Kristinn Magnússon
Heiða María eiginkona Björns Leví er mjög mikið fyrir gott …
Heiða María eiginkona Björns Leví er mjög mikið fyrir gott kaffi. Heimilið ber þess merki með áhugaverðum bollum sem minna á listaverk. mbl.is/Kristinn Magnússon
Skemmtilegar eftirprentanir frá ísraelskum listamanni sem teiknar frægt fólk í …
Skemmtilegar eftirprentanir frá ísraelskum listamanni sem teiknar frægt fólk í fjörlegum stíl. mbl.is/Kristinn Magnússon
Listaverk eftir Lóu Boratorium prýðir heimilið á einstakan hátt.
Listaverk eftir Lóu Boratorium prýðir heimilið á einstakan hátt. mbl.is/Kristinn Magnússon
Lóa Boratorium er með áhugaverð skilaboð til heimilisfólskins í gegnum …
Lóa Boratorium er með áhugaverð skilaboð til heimilisfólskins í gegnum listina sína. mbl.is/Kristinn Magnússon
Kaffi í bland við Hugleik.
Kaffi í bland við Hugleik. mbl.is/Kristinn Magnússon
Blómin inn á heimilinu eru fundin í garðinum en fyrri …
Blómin inn á heimilinu eru fundin í garðinum en fyrri eigendur heimilins gróðursettu allskonar fallegt hér á árum áður á lóðinni. mbl.is/Kristinn Magnússon
Litagleðin er ríkjandi í stofunni. Þar er að finna grænt …
Litagleðin er ríkjandi í stofunni. Þar er að finna grænt sófasett sem fer vel við blágráa vegginn og String-hillurnar. mbl.is/Kristinn Magnússon
Í horni stofunnar er hægt að setja á plötuspilarann góða …
Í horni stofunnar er hægt að setja á plötuspilarann góða tónlist. mbl.is/Kristinn Magnússon
Það gerir mikið fyrir ganginn að hafa þennan fallega uppgerða …
Það gerir mikið fyrir ganginn að hafa þennan fallega uppgerða skenk sem skólafélagi Heiðu Maríu gerði upp. mbl.is/Kristinn Magnússon
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:

Bloggað um fréttina

Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »