Verslunin Epal opnaði glæsilega verslun í Smáralind í gær. Þar er að finna frábært úrval af vandaðri hönnunarvöru frá vörumerkjum eins og Ferm Living, Hay, Frederik Bagger, By Lassen ásamt góðu úrvali af barnavörum frá Sebra ásamt mörgum öðrum vinsælum vörumerkjum sem hönnunarunnendur elska. 

„Epal fagnar í ár 46 ára starfsafmæli sínu en frá upphafi hefur markmið Epal verið að auka skilning og virðingu Íslendinga á góðri hönnun og gæðavörum. Það hefur verið gert með því að kynna góða hönnun og bjóða viðskiptavinum Epal þekktar hönnunarvörur frá Norðurlöndunum og víðar. Þetta eru frábærar fréttir fyrir fagurkera,“ segir Kjartan Páll Eyjólfsson framkvæmdarstjóri Epal.