Söngkonan Jóhanna Guðrún Jónsdóttir og fyrrverandi eiginmaður hennar Davíð Sigurgeirsson hafa sett einbýlishús sitt í Hafnarfirði á sölu. Um er að ræða 302 fermetra hús með tvöföldum bílskúr. DV greindi fyrst frá.

Jóhanna Guðrún og Davíð skildu fyrr á þessu ári.

Mikið hefur gustað um Jóhönnu Guðrúnu undanfarna daga en í gær gaf hún út nýtt jólalag og einnig var greint frá því að hún væri komin í samband með Ólafi Friðrik Ólafssyni og að þau ættu von á barni saman.

Eignin var skráð inn á fasteignavefinn í gær. Ásett verð er 114.900.000 krónur en fasteignamat hússins er 101.250.000 krónur en hækkar í 113.100.000 krónur um áramótin. Í húsinu eru fjögur svefnherbergi og tvö baðherbergi.

Af fasteignavef mbl.is: Hrauntunga 6