Ekki rústa öllu áður en þú flytur inn

Innanhússarkitektinn Berglind Berndsen hefur hannað fjöldann allan af heimilum og veit hvað ber að varast þegar fólk kaupir fasteign. Í samvinnu við fasteignasöluna Remax gefur hún góð ráð fyrir fólk sem hyggst flytja, stendur í flutningum eða er nýflutt. 

Berglind segir að það skipti máli að fólk máti sig í rýminu áður en það fer að rústa öllu. Fólk þurfi að vita nákvæmlega hvað það vill áður en það fer að gera breytingar. 

„Þegar fólk kaupir fasteign skiptir máli að halda í karakterseinkenni,“ segir Berglind og segir að heimili þurfi að endurspegla fólk og þarfir þess. 

mbl.is