Fé­lag hjón­anna Kes­öru Mar­grét­ar Jóns­son og Friðriks Ragn­ars Jóns­son­ar, K&F ehf., greiddi 480 milljónir fyrir lúxusíbúð við Austurhöfn. Um er að ræða fokhelda þakíbúð sem er 337 fermetrar að stærð. Vb.is greindi fyrst frá kaupverðinu. 

Fermetraverð íbúðarinnar er rúmlega 1,4 milljónir króna. Íbúðin var auglýst til sölu án innréttinga og er gert ráð fyrir að hjónin Kes­ara Mar­grét, pró­fess­or í grasa- og plöntu­erfðafræði, og Friðrik Ragn­ar, verk­fræðing­ur og for­­stjóri, eigi eftir að greiða dágóða summu til viðbótar fyrir innréttingar á íbúðinni sem er sú næststærsta af lúxusíbúðunum við Austurhöfn. 

Frétt af mbl.is

Keyptu eina dýrustu lúxusíbúð landsins

Kes­ara Mar­grét er einnig skráð fyr­ir glæsi­legu ein­býl­is­húsi á Öldu­götu 16 sem er á sölu. Það vakti at­hygli í byrj­un mánaðar­ins þegar ViðskiptaMogg­inn greindi frá því að fast­eigna­sal­an Sot­heby's In­ternati­onal Realty í Svíþjóð væri með húsið á sölu á alþjóðleg­um markaði. Ásett verð á Öldu­götu 16 er 4,2 millj­ón­ir doll­ara, um 550 millj­ón­ir króna.

Af fasteignavef mbl.is: Öldu­gata 16

Tengdar fréttir

Heimili

Jón Jónsson og Hafdís selja 182 milljóna einbýli

• Rakel og Pálmi Guðmunds selja lekkera íbúð á besta stað
• Stílhreint 105 fm einbýli í Kópavogi
• Arkitektahöll í Fossvogi með eftirsóknarverðum eiginleikum
• 5 sjarmerandi eignir sem kosta undir 55 milljónir

» Fleiri tengdar fréttir

• Blogga um frétt